Teresa Ribera urxe dexar "debates estériles y nun distorsionar la realidá" del llobu

A xuiciu de so, el debate nun ta en "escoyer ente llobu y ganadería", sinón en cómo garantizar de forma eficaz y xusta una coexistencia

La vicepresidenta cuarta y ministra pa la Transición Ecolóxica, Teresa Ribera, propunxo abandonar "debates estériles y nun distorsionar la realidá" al rodiu de la figura del llobu y trabayar toos a una nun problema prioritariu pal Gobiernu, y que cunta con una alta sensibilidá social.

Nuna comparecencia conxunta nel Senáu, la primera d’estes característiques na cámara alta, la vicepresidenta cuarta y ministra pa la Transición Ecolóxica, Teresa Ribera, y el ministru d’Agricultura y Pesca, Luis Planas, esplicaron los trabayos del Gobiernu p’asegurar la protección del llobu y la tórtola.